روآيتي آلآولى : سأحبك رغم آلحدود " سمور "

^
حبيبتي مدري أنا خليته لليله تعويض عن تأخيري بالبارت الثامن
وانا من هلأ بكتب بالتاسع فعشان هيك إحتمال كبير اخلصو الليله لآني شوي ورايحه انام لآني مطفيه

اهااا

خلاص براحتك

بارت 9

في صباح اليوم التالي

جمييع شخصياتنا سحبوا ع الجامعه حتى هاني !!
لانو ثلوج والطرق مسكره وهيك

راما صحيت آول وحده فهم كلهم وراحت لغرفة حسام
راما : حسام ئوووم ئوم نروح عند خالد وراما
حسام بصوت كله نايم : لييش
راما : عشان نلعب بالتلج
حسام : ايي فكي عني
راما : يا حسومتي يا حبيبي يلااا
حسام : راما زحلقي من هون
راما : بليييييز حسووم
حسام : طيب 5 دقايق
راما : 5 بس
حسام : طيب طيب اطلعي

وطلعت راما وراحت لغرفتها لبست جاكيت جوخ بيج لعند نص فخذها وسكيني بني غاامق
وفكت شعرها وما سوت فيه شي ولبست جرابات شتويه متوسطة لطول سماويه وعليها مثل الريش من فوق وشوز بني
وحطت رباطات سماويه وبنيه

وطلعت من غرفتها ونزلت تفطر

حسام بعد 5 دقايق زي ما قال قام ولبس هو الثاني سماوي وبني غامق
بلوزه مخططه بني وسماوي ومشدوده من تحت وجينز اسود وشوز بني ولبس ع راسه كاب اسود

ونزل يفطر مع راما

حسام ولساتو مو مصحصح وفاتح نص عيونه : اووف يعني فكرك الكسلى هذلاك رح يقومو من عز نومهم
راما : غصب عنهم بيئوموا زي ما انت بالغصب ئومتك
حسام يقلدها ياستهزاء : غصب عنهم بيئوموا
راما : بالله كل كل اكلك دب قطبي انشالله
حسام ضحك عليها
بعد ما فطرو طلعو مشي لعند غدير وخالد

فتحتلهم الشغاله وطلعت راما تصحي غدير وحسام راح للصاله وقعد عالكنباي وغفي وهو فاتح تمو

عند غدير وراما
راما : يا بت يلا ئومي
غدير : راما طيب والله طيب بس اطلعي برا شوي
راما : بتعرفي معك دئيئتين ما ئمتي ولبستي لأشل أملك
غدير سلكتلها : طيب طيب
راما طلعت وغدير رجعت سكرت عيونها

راما تمشي بالممر الطويل ووقفت عند الباب اللي قريب شوي من غرفة غدير كانت بتفتح الباب إلا وشهقت لما خالد فتحو قبلها
خالد ابتسم : يا هلا والله صباحي منور بهالشوفه
راما ابتسمت : يا هلا فيك
ومشيو لعند الدرج ونزلو شافو حسام كيف نايم
خالد : مالو هاض
راما : ههه صحيه عبال ما اشوف غدير صحيت ولا لا

خالد تقدم لحد حسام وضربه ضربه قويه ع راسه وحسام قام مفزورع
حسام : ايش في
خالد : لا ولاشي
حسام : اففف راما وين
خالد : راحت تشوف غدير
حسام : غدير وين
خالد : بغرفتها
حسام : اهااا
ورجع غمض عيونه
خالد رمى الركازه عليه
حسام : يا زمم انا مش طايق حالي سيبني
خالد : مش طايق حالك جيب سلم
حسام رمى الركازه عليه : هيهيهي ما انغشني انا
خالد : ههههههههههههههههههههههه

نزلو غدير وراما
غدير كانت لابسه جاكيت البجاما الزهري والازرق وبنطلون سكيني اسود وشوز زهري
طبعا ما حبت تتشيك لانو اصلا طالعين يلعبو بالسطوح فمو لازمه

راما : قاايز يلا
غدير اتنهدت : مو حاسة انو انتي الوحيده اللي متحمسه بينا
راما : افكورس رح اتحمس وكمان ساعتين وبيدوب التلج واحنا لسا ما طلعنا
حسام زفر : امري لله _وقام من الكنبه_
وخالد قام كمان
وطلعوا للسطوح كان مليااان ثلوج
حسام راح لعند الطاوله اللي حوليها 4 كراسي خشبيه وقعد ع كرسي من الكراسي
غمض عينه تدريجيا ورجع فتحها بسرعه لما خالد رمى على وجهه ثلجه خلتو يصحصح من ام نومو
وقف ومسك بإيده كومه ثلج ورماها ع خالد
راما رمت عليهم الثلاث وغدير مطنشه راحت للسور المتوسط الطول وسندت اياديها عليه وصارت تطلع ع الشارع البعيييد من كثر ما السطح عالي
قطع عليها الجو الرومانسي حسام لما رما ثلجه ع شعرها
غدير بصوت عالي : يا حسسام
راما : طيب يلا العبي معانا
غدير فتحت تمها كانت بدها تحكي ووصلتها كمان كومة ثلج ع وجهها من خالد
غدير : طيب بدكم تلعبو انا بوريكم اللعب عنجد
وصاروا يلعبو ويتهبلو ويصرخو حتى انهلكو
الاربعه دخلو للغرفه اللي كانت بالسطح
كان فيها كنبتين وطاوله دائريه صغيره و قعده عربيه عند الحيطان
راما راحت لعند الكنبه وخالد وغدير راحو عند الفرشه وحسام راح للفرشه اللي جمب فرشة غدير وخالد وتمدد عليها وغمض عيونه
راما : مسكين والله
خالد : ههه كأنك مو انتي اللي صحيتيه من عز نومو
راما : وانا شو عرفني انو هيك رح يرمي حالو بأي مكان
غدير : يا شيخه جد انك ما بتئدري النوم حتى انا صحيتيني وخليتيني اترك فراشي الدافي واطلع لهالبرد
خالد : ههههههههههه الحمدلله انا نمت من امبارح ع الساعه 7 يعني وقتي كان كافي للنوم
راما : هااه شايفه يا غدير كيف لما تنامي بدري
غدير : بالله انا دايما بنام بدري
خالد : من كثر حبك للنوم مو عشان تصحي بدري
غدير : هوو ده
راما : كأننا ما بنعرفك يعني
خالد : ههههههههههههه
غدير : طيب يلا انا رايحه اكمل نومتي
راما : احلمي فيي وأنا بدعس عليكي
غدير : إنكتمي _وطلعت من الغرفه ونزلت لغرفتها_
راما وخالد كانو لحالهم وحسام نايم راما خايفه نص خايفه من خالد ونص عادي
خالد : آنا بدي آطلع _وقف_
راما : وين على هالصبح
خالد : عادي أي مكان
راما : وآنا رح اضل لحالي
خالد : تعالي معاي
راما : وين
خالد : أي مكان
راما : هههههههه وين بالزبط
خالد : تعالي نفطر
راما : أفطرت
خالد : طيب قومي قومي يلا
سحبها من إيدها وراما وقفت من السحبه
وطلعو من الغرفه اللي بالسطح ونزلو وراحو لعند كراج السيارات
ركبو سيارة خالد وطلعو من اسوار القصر

آما في القصر البعييد كان قاعد ع الكنبه اللي قدام الدفاي ويحكي تلفون
: اخسر علاماتي ولا اخسر حياتي
: هههههههههههه غريبه اسمع هالكلام من واحد نيرد زيك هدي اول مره بتغيب ولا كيف
هاني : لا مو أول مره يمكن ثاني مره
غدير : بسس ! أنا بغيب نص الشهر
هاني : بالنسبه لإلك مو مهمه الدراسه اما انا لاني شب فلازم ادرس عشان اشتغل واتجوز واصرف ع اولادي
غدير استغربت اول مره تعرف انو هيك تفكيرو
غدير : اممم انا صحيح بنت بس بدي اشتغل ومو شرط دراسه واسطه وعندي
هاني : هه عشانها شركة ابوكي يعني
غدير : يب طيب سؤال
هاني : اسألي
غدير : انت ليش كتيير مهتم بدراستك يعني انت حكيت انو عشان مستئبلك بس في غيرك شباب بيدرسو لمستئبلهم بس مو مهتمين بدراستهم زي ما انت مهتم
هاني : سدقيني ما في غير دراستي بتفيدني
غدير : لا ليش خالد دراسته آخر اهتماماته بس عادي متهني
هاني : يمكن خالد مفكر الدنيا بهالسهوله عشان ما يفكر بالدراسه
غدير : وليش لحتى ما يفكرها سهله بالعكس الدنيا سهله
هاني : شايفه حكيتلك انك مرتاحه
غدير : هاني ما في حد مرتاح كلنا مهمومين بس مو الكل عايش بالطريئه اللي انت عايش فيها
هاني : عارف كل الناس مهمومه بس انسان عن انسان بيفرق وطريقته في انو يتحمل همو بتفرق عن طريقه غيرو
غدير اتنهدت : بكيفك نفسي افهم كيف بتدرس علم نفس وانت نفسيه
هاني : ههه عادي مو انتي مجنونه ومع هيك بتدرسي شي بيعالج مجانين
غدير : بالله مع نفسسك
هاني ضحك ضحكه خفييفه
غدير : يلا عن ازنك انا صاحيه من الصبح وحابه انام
هاني : اوكي سلام
غدير : سلام _سكرت_
كانت متمدده التخت غمضت عيونها ونامت ..

وما قامت إلا ع الظهر من اصواتهم
عقدت حواجبها ورفعت ايدها ومسحت عيونها وقامت قعدت ع التخت ولبست شبشبها"الله يكرمكم" وراحت للحمام"الله يكرمكم" غسلت وطلعت وهي بكشتها
وعيونها ناعسه نزلت شافت خالد وراما يتناقروا
راما : خالد خلصص
خالد : ههههههههههههههههههههههههههه وقعتك رهيييبه
راما : اسسكت انت كأنك انت ما وئعت ئبل هيك
غدير قاطعتهم : ايش في ؟
خالد : ههههههههههههههههههههههههههه
راما : ولا شي بس الححيوان بزل فيي عشان وئعت
غدير ضحكت هي التانيه : هههههههههههههههههههههه
راما : اوووف وبعدين معكم نفس الطينه
خالد : هههههههههههههههههه لالا غدير احكيلك كيف وقعت
غدير : هههههه كيف ؟؟
خالد وهو يضحك : كنا ماشيين بالشارع صارت تحكيلي اصلا انا ما بصير امشي بالشارع من عيون الحساد ولا هي واقعه
غدير : هههههههههههههههههههههههه تستااهلي
خالد بنفس الاسلوب : هههههههههههه لا مو بس هيك لما كنت اضحك عليها حكتلي عين ما صلت ع النبي ورجعت وقعت مره ثانيه
غدير فرطت ضحك وخالد كمان وراما ولعت منهم
وقفت وقالت بعصبيه : حسام وينو ؟
خالد : احكيلك وين تزعليش ؟
راما : لا شكرا
وطلعت من القصر بكبرو
وغدير وخالد رجعو يضحكو وشغالتين واقفين عند باب المطبخ يطلعو مرعوبين من ضحكهم الهستيري
شوي وهدءو تدريجيا
خالد : بت
غدير : هاه
خالد : ماذا ستفعلين اليوم ؟
غدير : لاشيء لماذا ؟
خالد : تطلعي معي ؟
غدير : على وين
خالد : اي مكان
غدير : لويش
خالد : زهقان
غدير : مين حاكيلك اني ملاهي
خالد : تروحي ع الملاهي
غدير : -_- > يعني هيك صار فيسها :p
خالد : لا بحكي جد
غدير : مممم بشرط
خالد : هلأ انتي اللي بتيجي معاي ولا انا اللي باخدك
غدير : مو انت اللي بدك ياني اجي معك
خالد : طيب يا ستي تشرطي
غدير : امممم تاخدني معاك لوحده من قعداتك العاطله هديك
خالد : نعم ؟
غدير : سمعتني
خالد : لا ما سمعت عيدي يمكن سمعت غلط
غدير : خالد بلا هبل بحكي جد
خالد : والله لو تموتي قدامي مستحييل اخدك معاي
غدير : لا شو معنى انك بتسوي هالحركات وانا لا
خالد بجديه : غدير بلا هبل انتي اختي الصغيره وشي طبيعي اي واحد يخاف ع اختو
غدير : يعني لو كنت اكبر منك ما كنت بتخاف علي
خالد : إلا انا لما حكيت اختي قصدت انك بنت وصغيره
غدير : اهااا طيب مو انت الكبير يعني انت قدوه لإلي وحركاتك اللي بتسويها اثرت فيي وبدي ائلدهاا
خالد حسها بتستعبط : اول شي انا هالحركات بسويها برا البيت وبعيد عنكم ثاني شي انتي قاعده تتهبلي علي وثالث شي انتي قاعده تتهبلي علي
غدير : ههههههههههههههههه طيب بطل هالحركات وما بحكي معاك شي
خالد قام وراح جمبها وحط ايدو ع كتفها : يا غدوشتي يا حبيبتي انتي عارفه قديش صعبه علي تتذكري برمضان قديش عانيت
غدير تذكرت كيف كان ينجن لما ما يجرب الحشيش عشان رمضان وكيف صار ما يتابع مسلسلات اللي فيها بنات وقت الصيام !!
غدير : طيب انت استحملت برمضان ليش ما تستحمل هلأ
خالد : انا استحملت ؟!
غدير : اووف روح مصح او اي شي بس انت اخوي وابن امي وابوي وعارف ئديش غلاوتك ومعزتك عنا وئديش خايفين عليك
خالد خانو التعبير ابتسم ومسك ايد اختو وباسها : يسعد ربك ما احلاكي لما تكوني زي اخت
غدير : شو افهم من هالحكي ؟
خالد : ما بعرف
غدير : -_-
خالد : هههه بفكر بالموضوع المهم بدك تيجي معي ولا كيف ؟؟
غدير : بفكر بالموضوع
خاالد : ترا اللي طلبتيه بدو مني اسويه طول عمري بس اللي انا طلبتو بس لليوم
غدير : ويل مادامني انا التانيه زهئانه اوكي باجي ليش لأ بس وين
خالد : وين حابة تروحي
غدير : اي مكان
خالد : هههه ما هو سألتك تروحي ع الملاهي ما جاوبتيني
غدير بانفعال : ملاهي ع هالصبح لالا مكان تاني
خالد : طيب وين حابة تروحي وباخدك معي
غدير : ياخي عادي اي مكان انت اللي عرضت علي الطلعه انت اللي اختار
خالد طفش منها بس مصر يطلع معاها
خالد : لا حوول بت
غدير : هااه
خالد : تروحي ع السينما ؟
غدير : وبعديين سينما ع هالصبح
خالد : يا بتي حسستيني انو الطلعات بس بالليل
غدير : الملاهي والسينما هدول بنروحلهم بالليل او بالعيد
خالد : افففف منك
غدير : طيب وين رحت انت وراما ؟
خالد : ولا مكان عادي تمشينا هون وهناك
غدير : مو كأنو طلعاتك كترانه مع راما
خالد : سو ؟ اصلا يمكن هالشهر تاني مره بطلع معاها لحالها باقي طلعاتنا احنا الاربعه
غدير : اهاا طيب تروح ع المول
خالد قام من الكنبه : طيب يلا قومي
غدير : مالك مستعجل لسا بس البس ولا اروح بهالكشه والبجاما اللي علي مثلا
خالد : اووف طيب يلا بسرعه البسي شي تقيل برد
غدير : طيب
وطلعت لغرفتها تلبس
لبست بلوزه رماديه ساده طويله وسكيني اسود وشوز ابيض ولفت ع رقبتها سكارف ابيض وشعرها ربطتو بوني تيل رشت عطر وسحبت شنطتها السوده ونزلت
خالد كان يستناها تحت الدرج وكان يبعبش بالبيبي رفع راسو لما سمع خطواتها وهي نازله
ابتسم وقال : يا بختي انا لانك اختي
وصلت لعندو غدير وقالت : ههه نعمة احمد ربك عليها
خالد شمق وقال : شو بدك بالمول مو بتكرهي هالاجواء
غدير : لا ولاشي بس حبيت اشتري كم غرض
خالد : اهاا زي ايش ؟
غدير : اشياء بنات
خالد : هه ع اساس انك بنت يعني
غدير خبطتو بالشنطه
خالد : هههههه شايفه كيف انك مو بنت
غدير : بالعكس لو سمعت هالكلام لبنت غيري كان ئامت ئيامتك بس زي ما حكيت انا نعمه احمد ربك علي
خالد : ههههههه اهاا
ركبو السياره وشغل خالد اغنية Part of me - Katy perry
وغدير ما اتفقت ع الاغنيه طفشت من كثر ما سمعتها فغيرت وحطت اغنية Teenage dream - Katy Perry
وخالد ما عجبته غيرها وحط ع Last Friday Night - Katy Perry
زفرت غدير : وبعديين
خالد غيرها وحط أغنية California Gurls - Katy Perry (Ft.Snoop Dog)
ورضيت غدير بهذي الاغنيه
طبعاً بالنسبه لقصرهم سيتي مول كان بعييد عنهم ف أخذ منهم شوية وقت ليوصلو وبالسياره كانو كل شوي يفتحو موضوع سخيف ويسكروه
غدير : هخهخهخ تتذكر لما آخر مره تهكر موقع سيتي مول
خالد : ههههههههههههههه اه بتزكر لا بس الشب اللي مهكرو خطيير
غدير : هههههههههه اه والله ئال هكرو عشان ما خلوه يدخل
خالد : هههههههههههههههههه اصلا معو حق نظامهم زفففت بس للعائلات قال
غدير : بالعكس احسن
خالد : لا والله انتي بتحكي هيك عشانك بنت تتذكري الموقف اللي صار مع راما وواحد وكيف حسام عمل مشكله
غدير : اه بتزكر بالعيد لما كانت هي وروان بنت عمتها وواحد طلب منهم يدخلوه للمول وشافهم حسام وعصب بس ليش ما بعرف
خالد : كيف ليش ما بتعرفي يعني لو واحد طلب منك نفس الطلب بتقبلي
غدير : اممممم اصصلا يومها فعلا واحد طلب مني هالطلب انا ورانيا بس رفضت
خالد رفع حاجبه كأنو مو عاجبو
غدير : ههه مالك ئلتلك رفضت
خالد : اصلا عارف لو مو رانيا معاكي كان وافقتي
غدير : لا لو كنت لحالي برفض
خالد : واذا كان مع غير رانيا بتئبلي
غدير : اووف منك خلص انسى
خالد : كيف انسى بالله
غدير : اقول تتذكر لما انهد سقف واحد من المحلات
خالد : محلين مو بس واحد
غدير : امااا انا اللي محيرني كييف انهد
خالد : أنداري هالسؤال محير الكل
غدير : تخيل ما يدخلوك معي ؟
خالد : غصب عنهم بيدخلوني
غدير : لا ئصدي انو انا وانت لحالنا وباين انو صغار بالعمر فيعني بيفكرونا طايشين وهيك
خالد : عادي اخوكي ويفكرو اللي يفكروه
غدير : اممم يمكن والله يعرفو انك اخوي لانو واضح الشبه بينا
خالد كان بيحكي بس غدير سبقتو : بس انا احلى طبعا
خالد : ههههههههههههههههه طالعيتلي
غدير : مطولين لنوصل ؟
خالد : لا باقي شوي
غدير : اهاا
رفعت ايدها تزبط الساعه
شوي ووصلو ونزلو من السياره عند الباب الامامي للمول ودخلو وما قالولهم شي لانو خالد معاه بنت وشبهو
لما دخلو كانت شجره الكريسماس بالوسط لانو مو كثير مضى ع الكريسماس
http://www.citymall.jo/sites/default/files/images/1.jpg
غدير : ياخساره يوم الكريسماس ما كنا هون
خالد : كنا بأميركا ع اساس يعني انو هون احلى
غدير : ههههه جد
خالد : طيب وين رايحه هلأ ؟
غدير : امشي نروح ع محل H&M سمعت إنو في موديلات جديد
وسحبتو من ايدو للدرج الكهربائي
دخلو وطلعو من المحل وغدير بإيدها كيس مكتوب عليه اسم المحل
وبعدين رجعت سحبت خالد من ايدو وراحو لمحل فيه سبورتات
برضو دخلو وطلعوو وغدير معاها كيسين وخالد معاه كيس فيه شوز رياضي
خالد : انتي مشكلتك بتكرهي الطلعات والشوبينق بس لما تطلعي وقتها هاتي لنشوف متى بترجعي البيت
غدير : هههههههههههه شو اسوي انا المحلات حلوه هون
خالد ما رد عليها وبعدين هي قالت
غدير : طيب نروح ع ZARA وبعدين خلص
خالد : والله اذا زارا عنجد ما بتطلعي الا ومعاكي المحل كلو
غدير : ههههههههه والله انك فاهمني
خالد ضحك باستهزاء : هييه
غدير : طيب انت ليش زعلان مو انت اللي حكيتلي نطلع
خالد : كان قصدي نطلع نشم هوا مو نجيب معانا نص البلد
غدير : اووف ترا هاي اول مره بطلع من بعد م رجعنا من اميركا
خالد : طيب طيب
وصلو لعند المحل دخلت غدير وهي ساحبه خالد معاها
غدير كانت تتنقل بين الملابس اللي معلقه واللي يعجبها تسحبو بدون تردد وخالد وراها والطفش كاسي ملامحو
دار وجهو وإنصدم لما شافها كان بايدها جاكيت رسمي ذهبي وزي باقي لبسها كان بيلمع
طال البيبي من جيبه وبعت مسج لحسام : فرح قدامي !
دقايق ورد عليه حسام : انت وين ؟
خالد : بسيتي مول
حسام : يوووووه طيب شو المطلوب مني انا
خالد : هههههه لا ولاشي بس قلت يمكن بتهمك
حسام : غلطان
خالد : طيب كمل نومتك
حسام ما رد عليه لانو فعلا كمل نومتو
غدير قاطعت افكار خالد لما قالت : خالد شو رأيك بهاد ؟
خالد دار عليها
كانت ماسكه فستان ازرق متوسط الطول برقبه
خالد : جمييل بس لمين ؟
غدير : لإلي يعني لمين
خالد : هه انتي تلبسي فساتين
غدير : وين المشكله
خالد : لا بس ما بشوفك بتلبسي فساتين
غدير : فاهمة ئصدك مع نفسك _رجعت الفستان ومشيت لقدام تشوف غيرو_
خالد : مالها هاي _رجع يطلع ع فرح_
وراحلها : بسبس
فرح تفاجأت بس سوت انها مو مهتمه : يا لطييف نفس الاسلوب
خالد : هههههههه قصدك انا وحسام
فرح : مين غيركم يعني
خالد : لا حوول انتي وهاللمعات اللي بتشتريها
فرح : لا جد نفس الاسلوب والتفكير من عاشر قوما _ومشيت وتركتو_
خالد ضحك نص ضحكه ورجع لغدير
خالد : بت
غدير : هاه
خالد : مطوله؟
غدير : لا بس بديي _شافت مطلبها_ هاه لقيتو_وراحت لقدام_
خالد لحق وراها واجت غدير جمب فرح بس ما عبرتها
فرح دارت عليها وبعدين ع خالد اللي يطلع عليها ومبتسم وقالت : اححم انتي شكلك مألوف شفتك ئبل هيك ؟
غدير دارت عليها وابتسمت : اممم مدري انتي بالاردنيه صح ؟
فرح : اهاا يعني شايفيتك بالجامعه غدير صح ؟
غدير : يب وانتييي ؟
فرح : انا فرح _ومدت ايدها وغدير سلمت عليها_
فرح صارت تطلع بخالد اللي يضحك بصممت
وغدير طالت جاكيت جوخ طويل اسود وسألت خالد : طيب هاد حلو ؟
خالد : حلو بس أسود ؟
غدير : طيب اي لون اختار ؟
خالد : اممم البني
غدير : أكيد ؟
خالد : يبز احلى
غدير : اوكي
ورجعت الاسود واخذت البني
ودارت لفرح : يلا لازم اروح تشرفت بمعرفتك بشوفك بالجامعه
فرح ابتسمت وغدير راحت وماشب وراها خالد وهو يطلع فيها ورافع حاجبه وفرح شمقت بوجهه وخالد ضحك
غدير دفعت وطلعت مع خالد
خالد : بالله شو بالنسبه لأنواع الوداع الجميله _قال وهو يقلدها_ لازم اروح تشرفت بمعرفتك بشوفك بالجامعه
غدير ضحكت نص ضحكه : ههه ايش احكيلها يعني
خالد : احكيلها باي وبشوفك وبس
غدير : بالله ايش فهمك انت بس
خالد : طيب خلص هيك خلصتي ؟
غدير : ليش حابب تروح مكان ثاني ؟
خالد : لا مش حابب مو كنت بدي اتسلى وانتي خربتيها علي
غدير : ههههههههههه طيب يلا امشي معاي اعوضك
خالد : بشو بتعوضيني ؟
غدير : اووف من كتر ما اشتريت ما ضل معاي كفايه
خالد : ليش شو بدك ؟
غدير طلعت محفظتها : ولا احكيلك هدول بيكفو _طلعت ع خالد_ يلا امشي
خالد : أمري لله
غدير أخذته لكوفي شوب بسيط بالطابق الثاني وفيه معسل ووجبات وهيك
غديرر : يممكن ما يعجبك المكان كتير بس ع الاقل عوضتك
خالد : لا عاادي
وقعدو بالأخير كان عند الشباك الكبيير الزجاجي يطل ع اغلب عمان
جاهم القرسون : تفضلو شو حابين _وأعطاهم المنيو_
غدير اخذت المنيو وطلبت كب كيك وكابتشينو
اما خالد وصل سلك النذاله اللي بعقله وطلب 2 سندويشات زنجر سبيشل وكوكتيل وأغلى حلوان بالمنيو
بعد ما راح الجرسون
غدير قالت : بالله
خالد : والله ما دخلني قلتي تعويض وبدي ياكي تعوضيني وتدفعي عني
غدير : كأني مو قبل شوي حكيت إنو ما معي كثيير
خالد : مش مشكلتي والله
غدير : الله ياخدك
خالد : يسلمو
شوي وجاهم طلبهم
خالد بدأ بالسندويش بس ثقيله ما قدر يكملها بس أي شي عشان ياخد حقه من غدير
وغدير تاكل الكب كيك وتطلع فيه بكل ححقد
خلص الكوكتيل والسندويش وبدا بالحلوان
وغدير كانت مكتفه ايادها"ضاميتهم لتحت صدرها" وسانده ظهرها ع الكرسي وتستناه يخلص والملل والجديه طاغيه ع ملامحها
خلص خالد وحس انو بيستفرغ بأي لحظه بس ما حب يبين
غدير : خلصت ؟
خالد : يبز
غدير طلبت آلحساب وصل الدفتر وكانت غدير بتاخدو بس خالد سحبو بسرعه وحط فيه المبلغ واعطاه للجرسون
غدير ابتسمت ابتسامه عريضه : والله انا اللي يا بختي ع اخ متلك
خالد : شايفه بالله انا نعمة حافظي علي
غدير : ههه طيب انشالله
خالد : يلا
غدير : يلا
وقامو ورجعوا للبيت كانت الساعه 3 : 20 المسا
غدير طلعت لغرفتها تغير وتدرس دروس اليوم واليوم اللي بعدو لانها مو مداومه بكرا كمان
اما خالد طلع لغرفتو ونام وكالعاده صحي نص الليل وراح لأحد النوادي الليليه
دخل جوا بعييد عن اجوا الرقص والبنات وراح للبار ناوي يقضيها شرب هالليله
وهو بإيده الكاس كانت جمبو وحده دار عليها وهي ما كانت مع اي حد كانت لحالها ومنزله راسها ومو منتبهه لخالد
اما خالد حس انو يعرفها بس ما ركز من تأثير الشراب وكمان شعرها الكاريه القصير اللي مغطي نص وجهها
ضيق ع عينه وبعدين فتحها ع آخرها من التفاجئ لما عرفها
خالد : هلا والله توقعتك تتصلي بس
دارت عليه وعقدت حواجبها : عفوا مين حضرتك
خالد : هه خالد جامعه قاعه رقم
تسنيم عقدت حواجبها أكثر وبعدين ارتخت ملامحها لما تذكرتو : اهااا عرفتك
خالد : هه فكرتك مو من هالنوعية من البنات بس للأسف
تسنيم : شو ئصدك ؟
خالد : فاهميتني
تسنيم ما فهمت في البدايه بس بعدين فهمتو : اها لالا انا هون بس عشان المكان الوحيد اللي بقدر ابعد فيه عن الناس
خالد ما يحب كلام النفسيات هذا : اها طيب ومن متى بتيجي هون ؟
تسنيم : هاد تاني يوم بحياتي
خالد : اها اها
وبعدين دار وجهو عنها وطلب كمان كاس للمره الرابعه وطلب ال5 و 6 و8 9
لحتى فصل مخه وتسنيم منتبهه بس ما قالت شي
شوي ورن تلفونه طلعه وشاف الاسم مدو لتسنيم
خالد : ممكن تردي ؟
تسنيم ما قدرت ترفضو اخذتو منها وردت
ما لحقت تفتح الخط إلا وسمعت صوت بنت
: خالد
تسنيم : احم خالد مو بعقله وطلب مني ارد
غدير زفرت فكرتها وحده من هديك النوعيه : ووينو خالد هلأ ؟
تسنيم : جمبي
غدير حكت بنفسها (لا يا شيخه) : ئصدي بأي مكان
تسنيم : احنا بنادي ****
غدير : اها اوكي طيب ازا بتئدري تبعديه عن المكان شوي
قالت هيك لانها متوقعه انو ما بتعترض بما إنها قليلة حيا
تسنيم : احم لا آسفه لانو ... ما بقدر
غدير (هه بديتي تستحي يعني) : طيب خلص انا جايه اخدو
تسنيم : اوكي
سكرت ورجعت التلفون لخالد
خالد : شو بدها ؟؟
تسنيم : مين هي ؟
خالد : اللي حكيتي معاها مين يعني
تسنيم : كمان شوي جايه تاخدك
خالد : هو انتي هبلة ولا كيف ليش تحكيلها
تسنيم : معلش شايفيتك بتعمل غلط ما بسكت
خالد طنشها وحاول يقوم من مكانه بس داييخ
تسنيم : وين رايح ؟
خالد : وانتي شو دخلك ؟
تسنيم ما ردت من الخجل وكالعاده تعاتب حالها بنفسها (جد شو دخلني انا ما اغباكي يا تسنيم)
اما خالد استسلم ما قدر يقوم رجع قعد وما لقي غير يستنى غدير والمصيبه اللي رح يوقع فيها خصوصا انو ابوه صادر مفتاح الشاليه وما عندو مكان يروحلو غير بيتو
خالد : لو سمحتي ممكن توصليني
تسنيم (افف من هالعيله شو مفكريني يعني) : لا آسفه ما بقدر لانو
خالد قاطعها : طيب خلص
تسنيم تنفرزت (بالله مين كاين هيك يعاملني لا ولما صار بدو شي ساعتها حكالي لو سمحتي ولما رفضت صار يعاملني يجفاصه جد انو الطبقه المخمليه ما بتنطاق)
طبعا عرفت انو من الطبقه العاليه من منظرو وفلوسو اللي يرميها ع الشراب بدون ما يسأل
شوي وصلت غدير ووقتها قامت تسنيم
غدير استغربت انو هذي هي اللي حكت معاها ما توقعتها هيك : عفوا انتي اللي حكيت معاها ع التلفون ؟
تسنيم (لا بالله ما هو حكينا مع بعض سكايب عشان اعرف شكلك) : ... _ضلت ساكته_
غدير فهمت عليها : ايي ئصدي انو انا اختو لخالد وئبل شوي رنيت عليه ووحده ردت بدالو ف ئلت يمكن انتي
تسنيم : اه انا
غدير : اهاا
وراحت تسنيم غدير (غريبه ما سألتني ليش)
طبعا كانت واقفه جمب خالد اللي نص نايم ونص صاحي مسكتو من كوعه وصارت تهز فيه : هييه خالد خالد
خالد : هممم
غدير زفرت : ئوم معي يلا نطلعك من هون
خالد تجاوب معاها وقام
وهي مو قادره تمشي حاملته وهو راخي حاله من الدوخان ركبتو السياره وراحت مكانها وشغلت السياره وزفرت
غدير بصوت واطي وبعصبيه : كأني اليوم ما فتحت معاه محاضره عشان يعقل بس للأسف مافي فايده _تنهدت_ آخخ يا رغد لو إنك هون تفهميه
خالد فتح عين والثاني مغمضها لما سمع اسم رغد وبعدين رجع سكرها وقال بصوت نايم : لوين ماخديتني ؟؟
غدير : للبيت لوين يعني
خالد كان بيحكيلها بس هي استوعبت
غدير : اوووه صح ابوي بالبيت
خالد : والشاليه مفتاحو مأخوذ _ضحك ضحكة رقاصه_
غدير غصب عنها ضحكت من ضحكتو : ههههه وع ايش مبسوط بالله
خالد : اناا !
غدير : اه انت يعني مين
خالد ما رد عليها غدير اطلعت عليه شافتو نايم تنهدت تعششق اخوها مهما كانت مصايبو وكوارثو نادرا ما تعصب منو
كانت بشارع رئيسي والسيارات طاايره راحت ع جنب ووقفت تفكر وين تاخدو ابوه كثير معصب منو واذا شافو بتزيد الطين بلة وامو ضغطها من غير شي مرتفع
صارت فكره تجيبها وفكره توديها (ممم طيب اخدو لعند راما وحسام لالا بلاش ما ادخلهم بالمشاكل )
عقدت حواجبها وبعدين خطرت ببالها فكره طالت تلفونها واتصلت ع رقمو
غدير : اهلين هاني وينك ؟
هاني استغرب من سرعتها بالحكي غير عن العاده لما تحكي معاه : بالبيت بدي انام ليش ؟
غدير : طيب كويس انا جاي لعندك
وسكرت وهاني خاف وفهمها غلط (بتخرف هاي ولا كيف؟ )
بنت وهو عايش لحالو والوقت متأخر !
اما غدير ما اكلت هم الوقت يمكن خافت شوي من هاني بنت وولد والشيطان ثالثهم خالد معاها بس مو بوعيه وداخل بالنومه الثامنه
راحلتو بسرعه ورنت عليه لما وصلت عند البوابه
غدير : معلش بس يمكن دايئتك والوضع مو مناسب بس ممكن تطلع شوي
هاني شبه ارتاح وطلعلها وهي كانت واقفه عند باب السياره
هاني توجهلها وهي شافتو راحت لعند الباب الثاني وفتحتو
هاني : ايش في
غدير : يعني ازا ممكن تساعدني بإني أحملو
هاني حملو ودخلو القصر بدون ما يسأل ايش فيه وغدير حاسة الموضوع غلط×غلط مين هو يساعدها بهيك شي
بس ما قدرت ما لقت غير سكرت البابين وضربت رجلها بالارض وهي مقهوره من حالها ودخلت لعند هاني وخالد
غدير : هاني آنا آسفه ما كان ئصدي ادايئك
هاني وعينو لقدام وما اطلع فيها : لا عادي ما تدايئت

إنتهي البارت
طبعا يمكن ما كثرت احداث بهالبارت بس حبيت اعتبره اجازه لشخصياتنا من التمثيل XD
وركزت ع خالد وغدير بالبارت

توقعاتكم :

خالد شو بصير فيه وشو بيعمل لما يعرف انو غدير اخدتو عند هاني ؟
ومين رغد اللي تتمنى غدير وجودها ؟
وتسنيم كيف رح تكون ردة فعلها لما تشوف خالد بالجامعه ؟
وفرح وغدير ممكن يتصاحبو ؟
وهاني شو بيعمل وكيف بيساعد غدير وخالد ؟

وبنات يا ريت توقعاتكم مو بس الاجابه ع الاسئله لاني بعد ما اخلص من البرات انسى الاحداث ويمكن انسى شي وما اكتب عنو سؤال
فيعني لو بتقدرو تضيفو توقعات غير عن الاسئله بكون شاكره لإلكم =)

[b]i,m sorry
al-lgh
morhy
yshtg

السلااام عليكم

امممم البارت طوييل

هذا اللي عجبني بس حتى لو كاان طوييل الاهم مواقفه

هو ما فيه شيء يلفت الانتباه

وكله جد كان عن خالد واخته غدير

بس اللي عجبني غدير لما دقت على هاني

توقعاتي:

خالد لما يعرف ان غدير اخذته عند هاني ما ادري احسسه بيعصب مرره ويحسس بقهر

رغد اتوقع انها وحده قبل كاان يحبها خالد ومن اصدقااء غدير

ردة فعل تنسييم راح تكون عاديه لانها تعرفه وشافته

ما اتوقع فرح وغدير يكونوا صديقات احسس غدير ما راقت لها فررح<< بس تكفيين لا تخلين فرح تصاحب غدير وراما عشاني خخخ

هاااني راح يخلي خالد يناام عنده عشان خاطر غدير

اتوقع غديير راح تدردش مع هاني شوي

واتوقع في البارتات الجايه راح تعرف غدير هذيك اللي كان يحبها هاني وي نسييت اسمها خخخ ذكروني به هههه

اتوقع في البارت الجاي ان تنسيم تقابل حسام وتحب تصرفاته

اتوقع راما تعرف عن مشكلة علاء وابووه المريض وتساعده

وان شاء الله مع الاياام راح تتحسن تصرفات خالد

قولوا ان شاء الله خخخخ

مشكووره
تحيااتي

رؤىى : آي لغةة هذي ؟

وفآء : يب قلبو طويل بس مآفيه شي روآيتي آلآولى : سأحبك رغم آلحدود " سمور " - صفحة 4 657109

ييمكن من آخرها بديت آحداث وهييك
وآلآكس تبعت هآني آسمها سنآء روآيتي آلآولى : سأحبك رغم آلحدود " سمور " - صفحة 4 441203

شكرآ ع توقعآتك

آنرتو

السسَلآم عليكم ورحمهه الله وبركآتهه..
آههلين و سهلين سممور كيفك؟ ي رب بخير..

الببآرت ططويل و حبيت الآحدآث فيهه..!!
خآلد شو پصير فيه وشو پيعمل لمآ يعرف آنو غدير آخدتو عند هآني ؟
آمآ ييكون بآرد و مآ يفععل شئ... و إمآ انو يععصب من غدير ...
ومين رغد آللي تتمنى غدير وچودهآ ؟
ممكن صديقهه قديمه لهَآ آو آنها حبيبهه خالد..
وتسنيم ڪيف رح تڪون ردة فعلهآ لمآ تشوف خآلد پآلچآمعه ؟
عادييه يعني صارت متعووده عليهه..
وفرح وغدير ممڪن يتصآحپو ؟
ففعلآ ممكن..!
وهآني شو پيعمل وڪيف پيسآعد غدير وخآلد ؟
يظظل خآلد عندوآ لوقت مآ يصصحى وكذا يكون ساعده ..!!
وتقرييبآ مآ عندي اي توقعآت كآن ودي اساعدك بآلتوقععآت ..
بس مآ آعرف اتووقع اكثر من الاسئلهه الي طرحتيهَآ..
روآيتي آلآولى : سأحبك رغم آلحدود " سمور " - صفحة 4 966374

روآيتي آلآولى : سأحبك رغم آلحدود " سمور " - صفحة 4 966374

عضوة جديدة ♥ ' المُشاركآت ♥ : 13

وووواوو •••
مبدعهـ جداً جداً اقوى شئ••

آمول : تسسلمي ع توقعآتك <3

حلآوي : تسلمي من ذوقك =)

آنرتوا

خآلد شو پصير فيه وشو پيعمل لمآ يعرف آنو غدير آخدتو عند هآني ؟
بيعصب ع غدييييير بس بعدين بييكون صاحب هاني
ومين رغد آللي تتمنى غدير وچودهآ ؟
ممكن حبيبة خالد
وتسنيم ڪيف رح تڪون ردة فعلهآ لمآ تشوف خآلد پآلچآمعه ؟
بترتبك وككذآ
وفرح وغدير ممڪن يتصآحپو ؟
ممكن
وهآني شو پيعمل وڪيف پيسآعد غدير وخآلد ؟
بيييييينصح خخالد وخالد بترك العبط ححقه
^
سمور ببببببببآرتتتتتتتتتتت جميييييل ببجد
وبليييييز نبي البارت التاسسسع
روآيتي آلآولى : سأحبك رغم آلحدود " سمور " - صفحة 4 388140

روآيتي آلآولى : سأحبك رغم آلحدود " سمور " - صفحة 4 388140

خآلد شو پصير فيه وشو پيعمل لمآ يعرف آنو غدير آخدتو عند هآني ؟
بيعصب
ومين رغد آللي تتمنى غدير وچودهآ ؟
وحده تقرب لها
وتسنيم ڪيف رح تڪون ردة فعلهآ لمآ تشوف خآلد پآلچآمعه ؟
بتتجنبه
وفرح وغدير ممڪن يتصآحپو ؟
يب
وهآني شو پيعمل وڪيف پيسآعد غدير وخآلد ؟
ماادري
هههههههه سمور سسوري بسس اللغه عيت تتغير للعربيه
ماعندي توقعات بسس عجليي عالبارت

مممتى البآرت بقوه متحمسه

سآرون : آءءءء البارت مدري متى بس حاليا أنا كاتبه نصه فما بظن رح اتأخر +
شكرا ع توقعاتك

رؤى : تسسلمي ع ردك

آنرتو

يالله يالله ترى والله انا متشوقهه

سموووووووور وين البااااااااااااااااااااااااااااااااااااااااارت

يابت فييينكككك ابيييييييييييي الباااااااااااااااااااااااااارااااااااااااااااااااااااااااااااااااااااتتتتت

رؤى لو خلصت البارت اكيد بتنزله اصبري عليها

البارت العاشر

غدير : هآني آنآ آسفه مآ ڪآن ئصدي آدآيئڪ
هآني وعينو لقدآم ومآ آطلع فيهآ : لآ عآدي مآ تدآيئت
غدير : متأكد ؟
هاني دار عليها ورجع دار لقدام : لا جد اخوكي مفكر الدنيا سهله
غدير : انت شو مشكلتك؟
هاني : شايفه عندي مشكله ؟
غدير : عندك مشاكل مو بس مشكله
هاني توجه للكنبه اللي قبال الكنبه الي كان عليها خالد وغدير راحت وراه
هاني : حكيتلك كل واحد بيفرق عن التاني
غدير كانت جمبو بس بعيده شوي : نفسي افهم ايش اللي مخليك كئيب هيك ياخي والله الضحك حلو
هاني : مو شايف شي يخليني اضحك
غدير : لا انا شايفه سبب يخليك تضحك
هاني حاجبه : اللي هو
غدير : انك عايش
هاني ضحك نص ضحكه باستهزاء
غدير : لا بحكي جد
هاني : وشو الفايده من اني عايش وما معي حد
غدير : هاي المشكلة انت مفكر انك عايش عشان حد بس المفروض تعيش لنفسك مو لغيرك
هاني رفع عينو عليها وغدير قربت لعندو اكتر وحطت ايدها ع كتفو
غدير كملت : شوف يا هاني يمكن انت عشانك فئدت اهلك واعز الناس عندك صرت هيك بس سدئني اللي انت بتسويه غلط ونمط حياتك كلو غلط بغلط
هاني بدا يطلع عليها بنظرات باين عليها انو بدا يهتم بكلامها
غدير تكمل : صحيح انك تفئد ناس غاليه عليك صصعب وكتير وانا حاسه فيك بس حياه هالانسان انتهت مو معنى حياتك كمان تنتهي بالعكس اذا كان هالشخص بيحبك زي ما انت بتحبو فأكبر همو انك تكون مبسوط عشان هو ينبسط كمان خصوصا اذا كانو اهلك
وبعدها تتابع كلامها : والله لو اهلك كانو عايشين ما رح تعجبهم عيشتك فاضحك وانبسط خليهم ينبسطو
هاني كان ساكت وبس بيسمعلها حسها حركت احاسيس جواه بكلامها نزل راسو وكأنو بيفكر وغدير لسا حاطه ايدها ع كتفو
قطع هدوئهم خالد اللي كان بيهلوس
خالد بصوت كلو نوم : اديلوو ي منحرففه _وضحك ضحكة الرقاصة_
غدير حكت حاجبها وهاني يطلع فيه بملامح جامده
غدير وقفت : اوف هيك رح ارجعو الظاهر _دارت ل هاني_ آسفه غلبتك معي
هاني : خليه هون
غدير : لا شكرا تعبتك كتير
هاني قاطعها ووقف : لا عادي ما تغلبت
غدير : بلاها لانو ما رح يعجبو اني جبتو لهون
هاني : وليش ما يعجبو عادي
غدير بصوت مخنوق : هاني
هاني قاطعها : لا انا مصر يضل هون
غدير : ليش ؟
هاني : عادي الواجب
غدير : بالعكس لو غيرك كان تبرا منو
هاني : انتي حكيتيها غيري بس مو انا
غدير ابتسمت ابتسامه كأنها مو راضيه : طيب بكيفك
هاني ابتسلمها غدير ذابت ع ابتسامته
غدير : احم عن ازنك
ومشيت مسافات قصيره بس بخطوات سريعه
هاني : يعني خايفه اهلك يشوفوه هيك ومو خايفه تكوني لحالك بوقت متأخر
غدير عضت شفتها ودارت عليه : امم عادي انا بسياره
هاني : سيارة خالد
غدير استوعبت انو السواق هو الي اخذها للنادي وهي جابت خالد بسيارتو
غدير : ب .. بببتصل ع السواق
هاني ضحك وغدير تقطعت من الخجل
هاني : امشي اوصلك
غدير بردة فعل سريعه : لالالا .. م م م .. مافي داعي خليك مع خالد بلا ما يسوي مشكله
هاني تقدملها وسحبها من فوق ايدها ووداها لسيارتو
وركبها وركب هو كمان
غدير لافه وجهها للجهة الثانيه ومغمضه عيونها ومعقده حواجبها بقوه
وهاني منتبهلها بس مو قايل شي يضحك من جواتو
غدير بصوت واطي ومنزله راسها : طيب اذا اهلي شافوني نازلة بسياره مو سيارتي
هاني : تتوقعي اني كنت رح انزلك عند باب بيتك يعني بوصلك لحد بيت راما وبتكملي لحالك
غدير بنفس الاسلوب : وشو عرفك وين بيت راما
هاني : قرابتي !
غدير : لا مو قرابتك بتقرب لقرابتك
هاني : طيب قرابتي من بعيد
غدير سكتت والصمت كان سيد الموقف لحد ما وصلو لعند بيت راما وحسام
غدير : شكرا هاني
ونزلت قبل ما يتفوه بكلمه صارت تمشي ومنزله راسها وهاني لسا واقف يشوفها عبال ما وصلت وهو راح
دخلت غدير البيت و تفاجأت لما شافت امها واقفه عند الباب تستناها كانت امها مكتفه ايدها وزي دايما ملامحها جديه
غدير ضحكت بارتباك : هاي مامي
أروى : وين كنتي
غدير خافت تقول عند راما عشان اهلها اول مكان يدوروا فيه يكون عند راما وحسام
غدير وهي مبتسمه وتحكي بارتباك شديد : هه انا انا انا انا كنت عند راما
أروى : اهاا وين خالد
غدير : خالد ! خالد خالد ما م م بعرف وينو خالد
أروى : غدير بطلي كزب
غدير : خالد عند صاحبو
أروى : اكييد ؟
غدير : له له له بدي اكزب عليكي انا يا ماما الله يسامحك ما بتوثقي ببنتك يعني
وركضت لغرفتها وسكرت الباب ع حالها
وقفت عند الباب زفرت بارتياح ولبسست بجامتها وراحت للتخت اخدت تلفونها وبعتت مسج لراما
غدير : اسمعي امي سألتني انا وين حكيتلها اني عندك وسدقت !
راما شوي وردت عليها : يب رنت علي وحكيتلها انك عندي بس تعالي وين كنتي ؟
غدير ابتسمت وقالت بنفسها ( يا ربيي شو بحبك رمرومتي جد انك صاحبه حئيئيه )
وردت عليها : لك تسلميلي ويخليك إلي وبعدين بحكيلك وين كنت لاني نعسانه بدي انام
راما : لا احكيلي هلأ
غدير : يا حبيبتي والله بكرا خلص انا فارطه تعب
راما : طيب بكرا انتي بتيجي
غدير : هاد ازا امي وافئت لاني اليوم رجعت متأخره
راما : طيب اوكي
غدير : لا تزعلي يا عمري انتي يلا تصبحي ع خير
راما ما ردت عليها وغدير كانت بتنام بس دق الباب
غدير : اووف اددخل
بعدين استوعبت انو الباب مسكر بالمفتاح زفرت بطفش وقامت تفتح الباب وكانت امها
غدير : يماا والله خالد عند صاحبو وصاحبو منيح وسمعتو كويسه بالجامعه ازا مو مسدئه اتصلي عليه
أروى : خالد تلفونو هون وانتي شو عرفك بمين صاحبو ؟
غدير : خالد اتصل علي من تلفون صاحبو
أروى : غدير ازا عرفت انك بتكزبي ساعتها عقابك رح يكون اشد من عقاب اخوكي
غدير : اهاا بتمنعوني من الروحه والجيه وتصادرو كل شي بحبو وتحبسوني بالغرفه عادي تعودت برمي حالي ع التخت وبنام
أروى رفعت حاجبها
وغدير : مع اني ما بكزب بس انو يعني هاد عقابي داييما
أروى : غدير احمدي ربك انو ما بنمد ايدنا عليكي
غدير : طيب ماشي الحمدلله ممكن انام هلأ ؟
أروى : ايي روحي روحي نامي انشالله ما تصحي
أروى مشيت وغدير سكرت الباب ودعوتها ما حركت شي فيها لانها عارفه انها مو قاصده
رجعت غدير ع التخت وغطت بنوم عمييق

وعند هاني خالد كان ناايم وعلى حالتو لسا بيهلوس
خالد : رغوودتي حبيبتي ت تتت _اتنهد_
هاني مستغرب من هلوستو بس م اهتم طلع لغرفتو ونام كان تعبان من الدراسه
كآن بيطلع الدرج بس وقفته صرخة خآلد لما قآل
خآلد : تتزوجيني
هاني عقد حوآجبو وخآلد صآر يدندن هآني خاف منو وطلع لغرفتو وسكر الباب
تمدد ع تختو وصار يفكر بكلآم غدير يمكن يكون صحيح نفض افكارو بس ما قدر ينام راح لمكتبة الكتب البسيطه ال بغرفتو واخذ كتاب منها وصار يقرأ

في مكآن بعيد وفي آحد آلفلل
رجع مآلو خلق لحد آسبوعيين غآيب عن آهلو وجآمعتو وسآحب ع آلكل
طلع لغرفتو لمآ كآنو آلكل نآيمين
قد مآ كآن تعبان مآ بينآم من كثر آلتفكير قطع حبل افكآرو صوت التلفون يرن
: آهلين حبيبي علاء كيفك ؟
علآء : والله انا تمام تموشتي
تآمر : واللي يرحم أهلك لآ تعيد الدلع
علاء : هههههههههه ما بعرف هيك طلع معي
تآمر : طيب كيفك إنت وهاني
علآء : انا تمام وهاني إنت عارفو بس انت اللي كيفك ؟
تامر : ماشي حالي يلآ هيني عايش
علاء : ياخي ليش ما بتيجي الجامعه والله علاماتك تلاشت
تامر : لا بس عارف ضغوطات الاهل بس انشالله بكرا جاي
علاء : انشالله بس هات لتقنع العميد بسبب
تامر : لا عادي بطلعلي اي عذر
علاء : انشالله
تامر : طيب انا حاس اني تعبان شوي
علاء : اها طيب خلص سلام
تامر : سلام
تامر سكر ونام
علاء زفر : وبعديين مافي حد يحاكيني حتى تامر صار بليد زي هاني خليني انام احسنلي انا
توجه لفرشتو وصار يفكر (مين اللي سوا فينا خير ودفع لعملية ابوي .. معقول يكون ... لا لا مو عوايدو ) زفر بضيق وغمض عيونو

صبآح اليوم التاني آلساعه 6:00
حس بدوخه غير طبيعيه عقد حواجبه وفتح عيونو تدريجيا
شاف انو بمكان غريب حاول يقوم بس رقبته تكسرت من نومة الكنبه وبالغصب لحتى قام صار يطلع حوليه مو عارف وين هو
زفر وقعد ع الكنبه
نزل من الدرج ولحظو انو قاعد : صحييت
خالد التفت عليه و واستغرب قام من الكنبه وتوجهلو
خالد بشك : هاني !
هاني : مشبه فيي مثلا ؟
خالد : ليش أنا هون ؟ وكييف اجيت ؟
هاني : شُفتك وسويت فيك خير وجبتك لعندي
خالد ابتسم بخبث : آححلى انتي بتسوي هيك حركآت والله ما عرفتك
هاني سكت
خالد : يلآ تسلم ع آلمساعده _مد ايدو_
هاني سلم عليه
خالد : سلام
هاني ما رد عليه وخالد طلع من قصر هاني وهو مصدع ما فيه حيل يفكر
وقف ع جنب بنص الطريق عشان يحلل ( هلأ اذا بروح ع البيت ولقطني ابوي بتصير مشكله .. يعني بروح اي مكان هسا عبال ما يبدا دوامهم
بس وين .. _شغل السياره_ آخخ انشالله غدير تكون مخترعه كذبه )
رآح لعند راما وحسام
رن الجرس وفتحت راما لانها كانت قريبه من الباب وكان منزل راسو وحاطط اياديه بجيبو رفع راسه لما فتحت الباب
راما : يا صباح الخير
خالد : اهلين حسام وينو
راما : والله انا كويسه تمام اييوه بالزببط والله عارف دراسه وهيك وما ئدرت اسأل عنك
خالد ضحك : هههههه طيب يا ستي كيفك ؟
راما : حسام جوا ادخل
خالد ضحك ودخل راما شمت ريحه
راما : اووف انت لسا ما بطلت هالحركات
خالد : لا لسا ليش ؟
راما زفرت وطلعت من القصر للجامعه
خالد رفع اكتافه ودخل لعند حسام اول ما شافو حسام نط عليه
حسام : حبيبي وين هالغييبه
خالد : حسام ابعد عني دخيل الله
حسام : يا عمري اشتئتلك اناا _قالها بمياعه_
خالد : ههه
حسام بعد عنو : يا زم وين هالغيبه
خالد : كلها يومين
حسام : بالنسبه الي شهر يا عمري
خالد قعد : ياخي اليوم مصدع وحالتي حاله
حسام قعد جمبو : ليش شو مالك
خالد : لا بس عارف ادمان وابوي ساحب مني المفتاح وشغل عبط
حسام : يا سيدي وين رحت الليله؟
خالد : والله واحد من الربع شافني واخذني لعندو
حسآم : اهاا وليش ما اجيت لعندي
خالد : كأنو اهلي ما رح يدورو علي عندكم يعني خلوكم بعاد عن مشاكلنا
حسام : له له له عادي مو احنا اخوان ولا
خالد : كلام البنات هاض سيبك منو
حسام : هههههههه طيب
خالد : طيب بالله كم الساعه
حسام رفع ايدو وشاف الساعه : 6:45
خالد : فكرك امي وابوي طلعو
حسام : هلأ أكيد بيكونو طالعين
خالد وقف : اهاا طيب يسلمو برجعلك
حسام وقف : طيب
خالد : يعني انا وانت وغدير ساحبين ع الجامعه وما في الا اختك اللي الدراسه مقطعيتها
حسام : هههههههههههه شايف بالله
خالد : سلام
حسام : سلام بيبي
وطلع خالد من عند حسام وراح لبيتو
فتح الباب بدون ما يرن الجرس وغدير كانت لسا ناييمه فما شافها صار يلفلف بالقصصر بعدين راح للحمام واتحمم وطلع ولبس وراح ينام
بس رجع فتح عيونو لما سمع صوتها
غدير : رجعت
ودخلت وقعدت جمبو
خالد : افف والله مصدع بس احزري مين اخدني
غدير : مين
خالد : هاني قال شافني بالنادي واخدني لعندو
غدير استغربت هاني يكذب عشانها : اهاا
خالد : اول مره بعرف انو تبع هيك حركات
غدير : امم لا تظلمو يمكن شافك بمكان ثاني او شافك وانت طالع مثلا
خالد : والله مو بنفسي افكر لاني تعباان
غدير : طيب حكيت لامي انك عند صاحبك
خالد : مين صاحبي
غدير وقفت : وانا اشدراني بس حكيتلها انو محترم وسمعتو كويسه عشان ما تعصب
خالد : اهاا طيب تسلمي يا ستي
غدير طلعت من الغرفه خالد حس انها زعلانه منو تدايق الا غدير الوحيده اللي مستحيل يرضى زعلها
قال بنفسو ( براضيها لما اصحى ) وغمض عيونو وناام

في احد طاولات اللي داخل الجامعه كانت قاعده لحالها بكل ملل ما في غيرها كلهم غايبين
جاها واحد : ايش يا حلو وين الثانيه خليها تكمل
راما : اقلب وجهك
: هههههههه بتعجبيني
راما : ازا ما بعدت بشتكي عليك
: ههههههههههه يماا كتيير خايف انا
راما طنشته وحاولت تتصرف كأنو مو موجود بس
شافها من بعيد توجهلهم ومسك اللي معها من بلوزتو
: خير شو بدك منها ؟
الولد : وانت شو دخلك
اما راما مصدومه جد علاء شو دخلو !!
علاء : روح شوفي غيرها تتهبل عليها آه
الولد شال ايد علاء من بلوزتو : بعيد مره ثانيه انت شو دخلك
علاء : هذي بنت بلدي بعتبرها شرفي وعرضي
الولد : ههههههههههه خف علينا
علاء كان بيحكي بس راما تدخلت بعد ما حست انها استوعبت شوي
راما بصوت عالي شوي : بس انت وياه
علاء يطلع براما والولد راح لما شاف علاء مو منتبه
علاء : آسف اذا احرجتك
راما ابتسمت ابتسامة بسيييطه وقامت من مكانها ومشيت بعيد عن علاء
تمشي وتفكر باللي صار حلم ولا علم

وانتهى البارت
معلش مو طويل بس عشان حسيت اني مضغوطه قلت انزلو وارتاح

توقعاتكم
هاني ممكن يتغير من كلام غدير ؟
وخالد كيف بتبدا علاقته مع تسنيم ؟
غدير شو بتحكي لهاني عشان عرفت انو كذب عشانها ؟
وليش هاني كذب ؟
علاء وراما شو بيصير معهم ؟

شكرا لمتابعتكم :)

هآني ممڪن يتغير من ڪلآم غدير ؟
اكييييد ياسستيي
وخآلد ڪيف پتپدآ علآقته مع تسنيم ؟
مطري
غدير شو پتحڪي لهآني عشآن عرفت آنو ڪذپ عشآنهآ ؟
بتشكره وبتقوول وتقول
وليش هآني ڪذپ ؟
علشان خالد مايهاوش غدير
علآء ورآمآ شو پيصير معهم ؟
بيحبو بعض
توقعاتي للبارت القاي
بتبدأ قصصص حب كل ثنائي بس الترتيب ههه
يسسلمو ياسستي ماقصيرتي

باارت مرره حلو

هاني تاثر من كلاام غدير فاكييد راح يتغير

مدري كيف راح تبدا علاقة خالد وتنسييم

غدير تشكر هاني لانه كذب عشانها وراح تساله ليش كذب

هاني كذب عشان خالد ما يعصب على غديير

راما وعلاء وتبدا قصتهم خخخ

مشكووره تحياتي

رؤى : ثآنكس ع توقعآتك آنرتي

وفآء : ثآنكس ع توقعآتك آنرتي

بنآت معلش آليوم ما في بآرت
لآني مشغغوله ومآ بظن رح آفضى

العفو

عذرك معك

العفوو
عذركك معككك قلبووو

اءء في بآرت اليوم .:$؟

» على متن السحآب "$ روآيتي الآولى :)
» روآيتي ابدآع قلميي "$