روآيتي آلآولى : سأحبك رغم آلحدود " سمور "

بارت 6

مسك ايدها وسحبها لأحد القاعات الفاضيه وسكر الباب ..
راما خافت : خالد في شي ؟
خالد رجعها للحيط اللي كان وراها ورفع اياده وسندها ع الحيط وصارت هي بين اياديه
تتنفس بسرعه وبصوت مسموع
خالد : لاني زعلتك مني حابب اعتزر لك واوضحلك انو بإيدي كان اني ما ابادلك نفس الشعور
راما كانت بتحكي بس خالد سبقها : حتى لو هالشي صار من زمان انتي عارفه انك زي اختي غدير وابرار ما برضى ع حالي اني ازعلك مني
خالد حاسس بخوفها حب يهديها : وانتي عارفه اني مسستحيل اغلط عليكي او معاكي او المسك
راما شبه ارتاحت
خالد بعد ايده عن الحيط وهي راحت بسرعه للباب بس هو سبقها ووقف قدام الباب
راما : خالد خليني اطلع
خالد : طيب ممكن طلب وتوافقي عليه ؟
راما رجعلها خوفها : اطلب
خالد سكت شوي بعدين قال : عازمك ع الغدا اليوم تيجي ؟؟
راما رجعت ارتاحت وضحكت نص ضحكه : هههه ولو
خالد : بس بتيجي عالاكيد مو تسحبي علي
راما : طيب
خالد : اه وبحب احكيلك بالنسبه لهضا اللي صار كله ع بعضه اعتذار فلا تفكري انك حركتي شي فيي اوكي ؟
راما : ييي ع اساس انا اللي ميته عليك يعني
خالد : يصحلك واحد زيي
راما : مع نفسك ابعد عن الباب خليني اطلع
خالد : اطلعي انتي اول وانا بعدك ب 5 دقايق بلا ما يشوفنا حد ويروح فكره لبعيد
راما : طيب
وطلعت راما وهو طلع بعدها ب 5 دقايق زي ما قال

وراح لعند حسام اللي كان بالكافتيريا زي ما اتفقوا
خالد : ايش يا كبيير
حسام : اهلين اهلين
خالد : لقيتها للبنت ؟
حسام دار وجهه بإتجاهها وخالد شافها
خالد : اووكي مين رح يبدا فيها ؟
حسام : انت طبعا
خالد : اناا !! ليش انا انت انت احسن
حسام : كانت فكرتك انت
خالد : بالززبط عشان انا فكرت فيها انت اللي لازم تبدا
حسام : اوفف طيب
كان بيقوم لعندها وخالد سحبه لتحت
حسام : وبعديين معاك
خالد : صحيح مو لازم نسوي شوية اجراءات قبل ما نبدا
حسام : اوووه نسينا والله شكلو رح تتجوز البنت واحنا لسا ولا اتحركنا
خالد : يا زم مش رح تاخذ كثيير معانا
وهم يتناقروا ويلا نقوم ويلا بسرعه وانت اول ومدري شو هي قامت من مكانها
وهم لسا يتناقروا وبعدين انتبهوا لها على طول فزوا وقاموا ولحقوها وسووا انهم ماشيين بحالهم وصاروا يمشوا ببطئ قدامها ويسمعوا للي تقوله
بدهم يحللو شخصيتها قبل ما يبدو فيها
كانت تحكي بالتلفون : اوكيي باي حبيبي
حسام نغز خالد : سممعت _بهمس_
خالد : ع اساس انها قالت شي يا عممي رووح
حسام : ياخي افهمها قصدي انه باين عليها مدلععه ورقيقه واخلااق
خالد : لاحظت الدلع والرقه بس
ما لحق يكمل وحسام رجع نغزه
خالد على صوتو : ياخي جننتني ايش في
حسام يهمس : ولك ششوف شوف مين جمبها
خالد دار بس حاول ما يبين انه يطلع عليها ولما شاف مين جمبها رجع دار وجهه بسرعه
خالد : مو هضا رائد اللي جمبها
حسام : وبالتلفون مو كانت تدلع حمودتي
خالد وحسام طلعوا في بعض
خالد : حسام حسام معقول تكون خاينه
حسام : والله يمكن
خالد : هههه لا كثييير خلوقه
حسام دفشه من كتفه : ياخي رووح ع اساس انت الاخلاق تنقط منك
خالد دفشه من كتفه كمان : ياخي رووح ع اساس انت كمان تنقط منك الاخلاق
حسام وقف مشي وطلع ف خالد بنظره باين عليها الحقد خالد فهم النظره وهرب من حسام وحسام لحقه
واللي وراه استغربوا منهم بس ما اهتموا
البنت : اوكي حبيبي بششوفك بعدين
رائد : اوكيي

البنت رجعت كملت طريقها وصارت قدام المهابيل حسام وخالد
واصلا حتى مع هبلهم لفتوا انتباهها الاثنين امزز من بعض
خالد وحسام انتبهوا انها مرت من جمبهم ووقتها كان حسام ماسك بلوزة خالد وخالد يضحك
حسام ترك بلوزته وخالد زبطتها وكملوا مشي بعقلانيه كأنهم مو هم اللي كانوا يتهبلوا قبل شوي
حسام نغز خالد : شوف شوف اللوامع "قصده فرح"
خالد : يخرب بيتها قد ما بتحب تلفت الانتباه بس والله اخت ال*** مممزه
حسام : انا رايح اشوفها
خالد ما علق بالعكس وقف محله يراقب فيه
حسام راح : هلااا بهالطله الحلوه
فرح : حسام زحلG من قدامي
حسام : يييهي علينا طيب افففهم ليش لهالدرجه رافضيتني مع اني كل يوم شايفك مع واحد وانا احلى منهم كلهم ورفضتيني
يعني عشان خايفه اني امشي جمبك واكون احلى منك ممثلا
وكلامه الجميييل هذا كان سبب بكف عمى ام صباحوو
خالد من بعيد فارط ضضحك شوي ويموت
حسام : طيب آسفين بس رح ادفعك تمن غالي حق الكف
وهي طنشته وهو رجع لعند خالد
خالد : ههههههههههههههههههههههههههههههههههههههههههههههه والله الكف خطييير ههههههههههه
حسام : اكيد رح تحكي هيك مو انت اللي اخذته
خالد : ههههههههههههههههههه فضضيعه
حسام : هيهيهي انطم واسكت انت
خالد : ههههههههههههههه طيب وانت شو حكيتلها عشان تعصب هيك ؟
حسام قاله اللي حكالها ياه
وخالد رجع يضحك بهستيريه : ههههههههههههههههههههه والله تستاهل وقليل فييك
حسام : قلتلك اخرس
خالد : هههههههههههههههههههههههه وشو رديتلها بعد الكف
حسام : قلتلها رح ادفعها حقه غالي
خالد : هههههههههههههههههههههههههههههههههههههه
حسام خبطه ع راسه
خالد تعب من الضحك : هههههههههههههههههه آخ يا بطني اخ اخ
وراحوا ركبوا سياراتهم وخالد نزل عند بيته دخل وشاف راما عندهم
خالد : اهلللللن .. قبل شوي اخوكي اكل كفف من الآخر هههههههههههههههههههههههه
راما : من ؟
خالد : وحده بنت
غدير : هههههههههههههههههههههههههههههههههههههه ليش شو سوالها
خالد قالهم كل شي بس طبعا ما قال انهم يعرفوها للبنت
غدير وراما : هههههههههههههههههههههههههههههه والله بيسستاهل
خالد : ههههههههههههههههههههههههههههه مسكيين والله
راما : طيب هو وينو هلأ ؟
خالد : في البيت
راما : يي خليني اشوف اذا بدو شي
خالد مسكها من ايدها : لا يكون نسيتي عزيمتنا
راما : لالا ما نسيت بس دئايئ اشوف ازا بدو شي ولا لا
خالد وهو لسا ماسكها من ايدها سحبها لورا : لا مافي ولا حتى ثواني
غدير استغربت : بالله ومن متى هالعزايم
خالد : لا ابدا بس حابب اعوضها عن شي
غدير : اهاا فكرت في شي وانا مو دارريه
راما : لا اعووذ بالله انا وافئت عشان ع حسابو مو عشانو
خالد : هههههههههههههههههههههه انتو البنات قد ما بتحبوا المعبيين
غدير رفعت حاجبها : لا تجمع
خالد : اهاا طبعا إلا حبيبتي غدوش مالها بالفلوس
راما : اهااا كتيييير
خالد : هههههههههههههههه غيرة بنات
راما : لااا مفكر حالك تعرف البنات اكثر منهم نعتبرك بنت يعني ؟
غدير : ههههههههههههههههههههههههههههههههههه قوووويه والله
خالد بطلع عليها بنص عين : هه اقول امشي
وسحبها بقوه وطلعها من القصر ودخلها السياره
وركب هو
راما : آخخ ايدي شليتها
خالد : تستاهلي
راما : ييي طيب كان جببت غدير هي لحالها وحسام كمان لحاله
خالد : مو حابب اخذهم حابب تكون القعده انا وانتي وبس
راما رفعت حاجبها : ليش ؟
خالد علا صوته : حر انا
راما خافت : اوكيي براحتك
خالد بهدوء : شايفك حليانه هالايام
راما استغربت من انقلابه المفاجئ : اييي من يومي حلوه
خالد : هههه اصلا العتب عاللي يجاملك
راما رفعت حاجبها وقالت بشك : يجاملني ؟!
خالد : اه يعني تتوقعي انا احكيلك هيك عنجد
راما : لا يا شيخ .. ائولك نزلني نزلني
خالد : ههههههههههههههههههههههههه _وزاد سرعته يعرف انها تخاف _
راما تحكي بكل خوف : لا لا خلص توبه بس هدي
خالد مستمتع : ههههههههههههههههههههههه
وهي ع حالتها تطلب منه يهدي
شوي ووصلوا لأفخم مطاعم عمان
اغلب الموظفين يعرفوه ابن مين يعاملوه احسن معامله

نآخذ لفه ع شخصياتنا
علاء رجع تعبان ومنهلك من الدوام دخل البيت مو كعادته مبتسم ويبوس امه
دخل غرفته عطول وتمدد ع الفرشه اللي ع الارض وناام

هاني رجع طفشان طلع لغرفته درس ونام هو الثاني

غدير أصصلا من اول ما طلعوا راما وخالد طلعت لغرفتها ونامت

تامر هالفتره متغير كثيير ع اهله يصحى من النوم للجامعه ويرجع وينام مره ثانيه
قبل كان يحاول يقعد مع اهله بس مشاكلهم زادت فصار ينسحب من جلساتهم لحد ما صابته غربه عن اهله !

حسام كان ع التخت يفكر بعممق لحد ما غفي ونام كمان

فرح كانت قاعده ع التي في كالعاده ومتأثره مع الفيلم ومنسجممه
اهلها مو سائلين عنها اصلا تاركينها براحتها ولا كانها بنتهم
يمكن هذا سبب اختلاطها الزايد بالشباب ولبسها ومنظرها اللي تقول عايشه بكبريه !
اذا بالشتا وتلبس ضيق وقصير لعاد كيف بالصيف !!
عشان هيك خالد مو منجذبلها كثيير اللهم ع جمالها وبس ولا هو غاسل ايده منها
وصحيح غدير اهلها تاركينها براحتها كمان بس حاطينلها حدود
وهي عامله حدود لنفسها كمان بعكس فرح اهلها تاركينها وهي تزيد الطين بله

اما هيي كعادتها ع التلفون تكنكن وتخون هذا وهذا بس حدها تلفونات تخلص من اثنين وتروح لاثنين ثانيين
طبعا لهلأ ما حطيت النقاط ع الحروف وما عرفتو مين هي ورقة اليانصيب تبعت حسام وخالد !
خلصت هبلها وطلعت غرفتها وناامت
^ اكيد بتقولوا اني مستعجله ناويه اخلص منهم كلهم نومتهم :p

ما كان من شخصياتنا الا خالد وراما اللي بالمطعم الفخم
يتبادلوا الاحاديث اشي يتناقروا يتزاعلوا وخالد كل شوي ينادي الجرسون يجيب طبق لراما تجربه
راما : خالد بكفي الله وكيلك متنت 3 كيلو
خالد : خلص اخر شي يلا عشاني خلصيه
راما : دامك لهالدرجه مصر انت ابلعه لاني انا تسطحت
خالد : طيب يا ستي آخر لقمه وخلص
راما : اووف طيب
خالد : شطووره عمو
راما تنرفزت منه
فجعتن خالد انقلبت ملامحه لملامح جديه وقال لراما : راما سؤال ازا ممكن ؟
راما : اسأل ؟
خالد : انتي حاطه عينك ع واحد او معجبه او حابه او اي شي من هذا القبيل ؟
راما اسستغربت كالعاده اخذت مقلب بحالها واعتبرته يغار عليها وبدها تشوف آخرته اذا عنجد بيغار ولا بس سؤال
راما : ليش ؟
خالد : لا بس بسأل جاني فضول اعرف
راما ما صدقت مع انه فعلا صدق : اهاا طيب ليش الكزب بدك تعرف مني عشان اذا غلطت معاك تكون ماسك علي شي وتروح تحكي لحسام عارفيتكم انتو الشباب ما منكم امان
خالد رفع حاجبه : ليش شو شايفه منا .. بعدين شو فهمك انتي بالشباب ليكون بتتعاملي معاها زياده ؟؟
راما : لا بس عمايلك انت وحسام تكفي اني آخذ فكره مو كويسه عن بعض الشباب
خالد : مو كل اصابع ايدك زي بعضها
راما : قلت بعض الشباب مو كلهم ركز
خالد : طيب ما جاوبتي ع سؤالي
راما : طيب انت جاوبني ليش حابب تعرف
خالد : والله بس سؤال عادي اعتبريني غدير
راما : امممم طيب صراحتن صراحتن اممم مو حاطه عيني ع حدا
خالد : لااا مستحييييل
راما : ما هو من كثر ما فارس احلامي يبين
خالد : تعرفي شو مشكلتك اللي مو مخليتك تلاقي فارس احلامك
راما : يييي والله عنجد بتحكي زي غدير ... شو هي مشكلتي ؟
خالد : ههههههههههه احم مشكلتك إنك تدوري ع واحد كامل بس الكمال لله ومستحيل تلاقي واحد كامل
واكبر مثال انا يعني شوفي انا حلويه وعسل وحلم كل فتاة بس شايفه كيف منحرف وقليل ادب سبحان الله الحلو ما يكمل
راما : هههههههههههههههههههههه ومين قال اني بتمنى واحد كامل انا مواصفات فارس احلامي يكون وسيم وغني ويعاملني كويس
ويحسسني اني كامله ووبسس
خالد رفع حاجبه بدون ما يحكي وهي فهمته
راما : طيب يا اخي يمكن بتمنى واحد كامل مافي شي مستحيل
خالد : اييه خليكي سينقل ولما تيجي تتزوجي ما تلاقي اللي فيه المواصفات اللي تتمنيها وتعنسي
راما : طيب نشوف
خالد : طيب هلأ مستحيل ما تكوني حاطه عينك ع واحد حتى لو بالشكل اكيد في
راما : اووف منك
خالد : طيب احكيلي وارتاحي
راما : الصراحه هو في واحد عاجبني شكلو بس ما رح يعجبك اذا عرفت مين هو
خالد : ومين هو ؟
راما : اصلا انا نفسي مو عاجبني اببدا مو مستواي بس بشكله
خالد طفش : طيب مين هو ؟
راما : علاء
خالد : لا ما شاء الله انا عارف بس انسان واحد اسمو علاء
راما : ولك علاء اللي كان صاحبك
خالد عقد حواجبه : قصدك هذاك المنتف ؟
راما هزت راسها يعني اه هو
خالد : هه بالله وشو اللي عاجبك فيه والله لو انا وقفت جمبه كان غطيت ع جماله كله
راما : ههههههههههههه طيب مالك عصبت مو حكيت انك نسيته ومالك فيه
خالد : مو معصب
راما : لا بلى معصب ما شفت كيف ردة فعلك كنت هادي وتحكي بجديه وفجأه ئلبت
خالد : حكيت اني مش معصب
راما : طيب براحتك
خالد طلب الحساب دفع وقاموا
بالسياره خالد ما يحب تكون اجواء السياره شغل اغنية لا حس ولا خبر لمنصور الزايد
عارف انه راما تحب هالاغنيه
ووصلوا بدون ما يصير بينهم اي شيء يذكر نزلت راما عند بيتها وكمل خالد المسافه القصيره اللي بينهم
وهي دخلت وما شالت خالد من بالها
اما هو دخل كل اللي في باله انه نفسه بسهرة شراب طلع غرفته وانرمى ع التخت
ورجع صحي نص الليل يسوي اللي في راسه

صباح اليوم الثاني
قاعدين عند الدرجات
حسام : هههههههههههههههه به
غدير : ههههههههههههههههههه به به
حسام وغدير : به به به به به
اجتهم من بعيد ووقفت قدامهم وتطلع عليهم بنظره كأنهم مجانين
هون غدير زادت ضحكتهاا وحسام يضحك ع ضحكتها
راما : الحمدلله والشكر بسس
غدير : هههههههههههههههه لا بس كان يحكيلي عن عليا وهو داييما يحكي معاها ع الفيس
ومن كثر ما بيقوول به صار اسمو مستر به هههههههههههههههههههههههههههههههه
راما وحسام مو شايفين شي يضحك واصلا الموضوع بنظر الكل ما يضحك بس هذي غدير ع كل شي بتضحك
راما : مسستر به يعني عارف انو انت باييخ كثيير فسموك به
غدير ضحكت بهستريه وتحشيش واغلب العيون تطلع عليها : هههههههههههههههههههههههههه قوويه والله
حسام : بالله بشكلكم وإنطمي انتي الثانيه طلعي كيف يطلعوا علينا
غدير سكتت شوي ورجعت تضحك : ههههههههههههههههههههههه آخخ شفايفي تشققوا من الضحك _حطت ايدها ع شفايفها_
راما : اخوكي وينه ؟
غدير : ما رجع امبارح
راما ما حبت هالشي لانه اذا ما رجع تعرف انه مقضي ليلته مع نوعيه معينه من الناس
غدير : حسام شايف بالله اخوانا صاروا يتواعدو من ورانا
حسام : ايشش ؟
راما : هههههههههههههههه والله مافي شي بس زي ما حكالك بدو يعوضني عن شي
حسام : اهها طيب بنشوف لما يشرف
راما : يعني مو واثق فيي الله يسامحك
غدير : يلا بايسس عندي كلاس
وراحت
حسام : اسسمعي انا مستحيل امنعك تحبي وانتي عارفه بس خالد وامثاله ابعدي عنهم
راما تنرفزت : طيب ماشي
غدير وراما دايما ينقهروا من حسام وخالد يرضو انهم يسوو اي شي ببنات الناس وما يرضو لأخواتهم ما يعرفو انه كما تدين تدان
دقايق وشرف خالد ووئتها ع حظها كان وقت محاضرتها لما قعد هي قامت
خالد : مالها هاي ؟
حسام : سيبك عندها محاضره
خالد : اهاا .. اسمع جبتلك شوية معلومات عن البنت
حسام : والله شو عارف
خالد : اسمها تسنيم 20 سنه بيحكو عنها كتييير منيحه بس مشكلتها انها لعابه
حسام : ههههه 20 سنه ولعابه والله راحوا الطيبين
خالد : ههههههههههههههههههههه امشي امشي فرق بينكم سنه وحده وع اساس انت العاقل
حسام : ههههههههههههه طيب وشو كمان
خالد : مفكرني يعني ناوي اكتب سيرتها الذاتيه اعرف كل شي عنها
حسام : ههههههههههههه به
خالد : طيب يلا انا عندي كلاس
حسام : وانا كمان امشي

خالد دخل محاضرته وقعد مكانه شوي ودخلت وراه وحده
: معلش ع التأخير
اغراه صوتها الناعم رفع عينه وانصدم لما شافها صار يكحكح
الدكتور : سلامات خالد فيك شي
خالد : هااه لا لا ما فيي شي
الدكتور : طيب _وبدا بحصته_
وطول الوقت خالد يرفع عينه ويطلع عليها

بعد المحاضره طلع وهو يممشي بسسرعه ويدور ع حسام شاف غدير مع هاني راحلها
خالد : غدير غدير شفتي حسام ؟؟؟
غدير : لا ليش ايش في ؟
خالد : اووف _ومشي _
غدير مستغربه

خالد اتصل ع حسام وحسام حاطه سايلنت عشان جوا الكلاس
خالد طفش قال خلص البنت ما بتطير بعدين بحكيله

غدير وهاني عند برج الساعه بدو شغل بالكتاب
ما صار شي بينهم وهاني كان يعاملها زي ما يعامل غيره وهي مووولعه منه
خلصوا وراحت لسيارتها اول وركبت وهي معصصصبه ومعصبه
اما هو ولا عباله عنده اشياء اهم
غدير تسوق بسسرعه دقايق ووصلت البيت طلعت غرفتها ولبست بجامتها ونامت
وهاني لسا واصل البيت غير لبسه ودرس وصار يكتب شوية اشياء للكتاب لانه عارف غدير ما رح يخلص بسرعه معاها خلص شغله ونامم

اما بالجامعه كانت تتمشى تروح لسيارتها بس وقفت لما اجا قدامها
: لو سمحتي ممكن سؤال
هي مفزووعه مصدومه متفاجئه مصدومه بس مو حابه تاخد وتعطي معاه بالكلام : اسأل
: عارف انك مالك علاقه بس انتي وتامر تدرسوا نفس الاختصاص فقلت يمكن تعرفي شي عن غيابه الطويل
راما : ت تامر سمعت انه تعبان بالمستشفى
: اهاا مششكوره
حاسس من نظراتها انها تعرفه باين عليها مستغربه
: بالمناسبه انا اسمي علاء
راما : ايه سمعت عنك _تحولت ملامحها للاشمئزاز_ عارف فيه ناس مستواهم عاالي والكل بيحكوا عنهم بطيب
وفيه ناس مستواهم واطيي مثلهم والكل حتى بسيرتهم يتقرفوا فما بالك باللي يحكوا معاهم
علاء : والله بالنسبه الي فعلا شعور مقرف احكي مع ناس امثالهم وهذا وضعي حاليا
مشي وتركها مولعه ومولعه ومولعه ومولعه
تحلفت يميين انها رح تخليه يبكي دم
ركبت سيارتها وناويه عليه نيه ما يعلم فيها الا ربنا
كل اعجابها تلاشى ولا كأنها دايما تحكي لغدير عنه

وإنتهى الببارت =)
اتمننى يعجبكم وآظن انكم عرفتوا كل الشخصيات ومع البارتات الجاي بتتعرفوا عليهم اكثر

آرائكم + توقعاتكم

خالد وراما ؟
وشو الاعصار اللي محضريته راما لعلاء ؟
وكيف بتصير علاقتها مع علاء ؟
غدير وهاني ؟
حسام وخالد وفرح ؟
مين البنت اللي كانت بالمحاضره مع خالد ؟

شكرا لمتابعتكم =)