أســــئــلــــة حـــلــــوة ... وأجـــوبــــة أحــــلـــــــــى
--------------------------------------------------------------------------------
كُتب : [ 18-Aug-2008 ]
بتعرفو شو أحلى شي بالدنيا نحنا .. ولك إي إي نحنا ..
ولله نحنا نهفه .. يحرىء حريشنا ما أحلانا
طيب ..
اقرؤوا هالاسئلة الحلوة هي ..
وشوفو أجوبتنا الأحلى ..
بشوفو مرة حامل بطنا واصل لحلئا ..
بيسألووو ... شو حامل ؟؟؟؟؟؟؟؟؟
لا ولله .. بس نافخة شوي بطني وحاطا جبسة جوّاااا
بشوفو واحد حامل كتبو ورايح ع جامعتو
بيسألوووو شو رايح عالجامعة ؟؟؟؟؟؟؟؟؟
لاولله .. رايح عالمسبح أتشمس
بشوفو واحد عم يسجل بمكتب التسجيل للباحثين عن عمل
بيسألووووو ... شو مالئيت شغل ؟؟؟؟؟؟؟؟؟
لا ولله لئيت .. بس حابب زيد نسبة البطالة بالبلد
بشوفو واحد حامل علم الاتحاد ورايح عالملعب
بيسألووووو ... شو رايح عالملعب ؟؟؟؟؟؟
لاولله .. رايح عالمعهد عندي درس
بشوفو واحد ع أساس كان بدو يسافر
بيسألوووو ... شو ماسافرت ؟؟؟؟؟؟
لاولله سافرت .. بس ئجيت شي ساعتين دائت خلائي بالغربة
بشوفو واحد لابس تياب جديدة
بيسألوووو .. شو مشتري تياب جديدة ؟؟؟؟؟؟
لاولله .. شحادة بس هنّي جدد
أما بالبيت ..
أهلك بشوفوك علّئت الحمام عالكهربا ..
بيسألوووو .. شو بدك تتحمم ؟؟؟؟؟؟
لاولله .. حابب أتشمس عالطاقة الكهربائية
أهلك بشوفوك ئالب الخزانة عليك ولابس كل تيابك
بيسألووووو .. شو رايح ؟؟؟؟؟؟؟
لاولله بدي ئعد اتفرج ع نور ولميس
أهلك بشوفوك فتحت باب البرندة بدك تطلع
بيسألووووو .. شو طالع توقف عالبرندة ؟؟؟؟؟؟
لاولله .. طالع زت حالي من البرندة
أهلك بشوفوك فايت عالبيت
وهي أبشع شي .. بيسألووووو شوووو ئجيت ؟؟؟؟
لاولله .. شي نص ساعة بجي ..
انت نايم .. بفوت حدا ع غرفتك بئلك شو نايم ؟؟؟؟
لاء عم ألعب
انت فئت وطلعت من غرفتك ... شافك ابوك مثلا
بيسألك ... شو فئت ؟؟؟؟؟؟؟
لاولله لسعتني نايم بس شايف منام إني عم امشي
انت بتسأل امك .. أميييييييي مطوّل الغدا ..
بتسألك هيي .. ليش جوعاااااان ؟؟؟؟؟
لاولله ماني جوعان بس عم أتمايع شوي ..