يالووصخخ تععآل سسهـرتننآ الجزء

السلام عليكم ورحمة الله وبركاته
هلا والله بالوصخين والوصخات حبايب قلبي كلكم
وشلونكم وشخباركم
قررت اسوي سهره هنا ونجمع العالم ونوسع صدورهم ونزيد تقيماتهم ويعني تعرفون الباقي
وسهرتنا
وش زينها خفيفه وحلوه وبتنسبطون فيها إن شاء الله ولو ما نبسطتوا مالت
عليكم والشرهه علياللي نسوي لكم سهره << صالت من هالحين
المهم نرجع لمحور حديثنا ..
ثيم السهره هو بكسل مسامير الوصخ
بتقولون ليش مختارينه !
بقولكم كيفنا وش دخلكم ؟!
نظام السهره بسيط وواضح مابوه لف ودوران

يوم الاحد
تاريخ 8/18
الساعه 11:30 الليل
وممنوع دخول الزعوولين<< انثبر اصرف ؟

السهره عباره عن خمس فقرات :
- أول فقرة ( أسئلة )
راح تكون 6 اسئلة ! مقسمه مابين تاريخ + رياضيات + رياضه
وراح نحسب النقاط للأسرع

- ثاني فقرة ( أكمل الرسمة )
6 رسمات
بجيب لكم صورة بيضاء فيها كم خط وانتم كملوا على هالكم خط وسوو رسمه
مايهم وش تطلع الزبده رسمه تصير صاحيه وواضحه
وهنا راح نحسب النقاط للأجمل مو للأسرع

- الفقره الثالثه ( من هو هذا العضو )
بجيب 6 أعضاء من كبارية المنتدى
وبجيب صوره لاحد مواضيعهمعشان تستوعبون وش الصوره
واذكر لكم معلومه عن هالعضو ! وانت اللي عليك تطلّع من يكون هالعضو المجهول
النقطه بتروح للأسرع

- الفقره الرابعه ( التصوير )
هالفقره معروفه ! بطلب منكم شيء وانتم صوروه
وعاد عن حركات السماجه وقولت ( لاخلصتوا تصوير قولوا لي ) هاه حركات الوصاخه ذي مانبيها -_-
وتنبيه كبر قريح
ياويل اللي يمط الصفحه ! صوركم صغروها الله لا يهينكم !!
النقطه هنا بتروح للأسرع

- الفقره الخامسه والأخيره ( من هذا )
بجيب لكم شخصيات مشهوره واعفس وجيههم عفس وانت عليك يالطيب ويالطيبه انكم تطلعون شخصية هالمقرود اللي عفسنا وجهه
والنقطه هنا للأسرع

اول إجابه لها : خمس نقاط
ثاني إجابه لها : ثلاث نقاط
ثالث إجابه لها : نقطه

- اصحاب التوقيعات اللي تقل مُعلقه شعرية الله يرضى عليكم اخفوا تواقيعكم عشان اللي اتصالهم يزحف
- لا تسحبون عليلاحقين على الوشسمه
- زي ماقلت فقرة الصور لحد يمغط الصفحه علينا ! صغروا صوركم
- مطاقق بالتقييمات وحلطمه بالموضوع مانبي ! يا تقيمون اخضر يا تركدون << شرايكم فيني بالله
- التعديل على الإجابة ممنوع واللي بيعدل على اجابته بقشع عيونه من مكانهن زين يالوصخ !

تحسبوني بقول بطايق شحن وكذا اشياء كشخه !
خلوني ادبر عمري قبل ادبركم
الجوائز تقييمات تضرب السماء + اوسمه + وتسان تبون كرتون حليب السعودية ماقول لأ
الفائز بالمركز الأول يحق له يعاقب أحد المشاركين بالسهره !
يعني حتى لو الإنسان اللي بيتعاقب ماكتب إلا رد واحد خلاص يصير مؤهل للعقاب
لو انه المقرود جاي بس يسلم ويطلع ماعلي دامه دخل السهره وتحتسى يصير ضمن المشاركين
العقاب يكون بحدود يعني لا تتحمسون واجد !
مثلاً تختار شخص وتعاقبه بأنه
(
يحط رمزيه معاقه ! أو يحط توقيع يفشل ! أو يكتب موضوع عليه القيمة وينزله
بالقهوه , شرط يصير الموضوع محترم ويبيض الوجه يعني مو خرابيط )
وإلخ من العقابات اللي مافيها هبال زايد
واللي ماهوب منفذ عقابله تراه وصخ وترا بنقلب عليه كل ابونا ونزاعله



+
وبس هاذي هي سهرتنا واللي ماهوب جاي تراه وصخ ثم وصخ ثم وصخ -_-
وعشان الكل يدري ان بوه سهره يوم الاحد بالقهوه رزو ذا الوصخ الأزرق في تواقيعكم تسان تبون يعني



ونشوفكم يوم الأثنين إن شاء الله يالوصخين
وانا احووووووبكم
منقوول
مشآآآآآعل: 10